Líkamsrækt...

Maður lætur nú plata sig út í ýmislegt. Systir mín er til dæmis búin að plata mig út í líkamsrækt á fúll spíd. Svo sem ekkert nema gott við því að segja í flestum tilfellum sko. Ég ákvað sem sagt að skella mér með Ínu pínu til hennar Ágústu Johnson í Hreyfingu. Ég hef ekkert nema gott af Hreyfingu að segja og líkar mjög vel. Þetta er líkamsræktarstöð þar sem maður þarf ekki að mæta stífpússaður þegar maður fer á æfingu. Það fyndnasta við þetta allt saman er samt að eins og á mörgum stöðum getur maður fengið að geyma verðmæti í afgreiðslunni og í staðinn fær maður töluvert stórt skærgrænt plastmerki með númeri. Við þetta merki er föst teygja með nælu á svo maður geti nú nælt þessu í sig og tíni nú ekki þessu verðmæta merki. Nema hvað, flestir eru bara nokkuð hressir og setja merkin á brúsann sinn eða eins og ég sem næli merkið oftast bara í vasann. Það eru hins vegar nokkrir gaurar sem eru alveg met. Þeir mæta sem sagt í ræktina og eru geðveikt sveittir af að lyfta öllu þessu þunga dóti og æða fram og aftur um salinn eins og naut í flagi. Það sem er þó hvað mest sexý við þessa gaura er að þeira næla merkið framan á miðjan bol. Það er náttúrulega ekkert fyndnara en að reka augun í eitthvað vöðvafjall með stærðarinnar grænt merki lafandi á maganum. Men hvað ég átti bágt með að hlæja ekki í fyrsta skipti sem ég sá þetta :o)