Bad week

I'm having a very bad week og ætla ekki að blogga fyrr en í fyrsta lagi í næstu viku, ef hún verður eitthvað skárri.

Heim í heiðardalinn

Já, ætli það fari ekki að verða mál að blogga smávegis. Hef ekki komið hérna við í dágóðan tíma núna, vegna gífurlegs annríkis. Alla vegana. Akkúrat núna sit ég í herberginu hans Gunnars að Rauðalæk 53, enn með málninguna á augunum síðan í gær og er að íhuga sturtuferð. Ég er sem sagt komin heim í páskafrí og var í fermingu hjá Guðna, litla bróður Óla í gær. (Hlaut að vera stór ástæða fyrir málningunni... ekki satt?).

Ég kom til Íslands á föstudagskvöldið eftir lengstu flugferð frá Danmörku í manna minnum. Það var svo hrottalega mikill mótvindur að ég var farin að halda að við myndum aldrei komast á leiðarenda. Enda tók ferðin 3 og 1/2 klukkutíma í stað svona 2 og 1/2 sem er venjan. Ína sæta og Óli æði sóttu mig á völlinn, geggjað góð. Á laugardaginn var svo powershopping ala Ína og í gær ferming. Í dag er ég svo alveg búin að vera og er að hugsa um að vera bara ekkert sérstaklega dugleg...

Á alltaf eftir að setja inn myndir og lýsingu frá opinberri heimsókn Fjólu til Danaveldis. En ég lofa, það kemur að því!

Annars hlaut ég titilinn besta kærasta í heimi á laugardaginn.... geri aðrir betur:o)

7. mars 2005

Fyrir 21 ári var 7. mars öskudagur. Af hverju veit ég það?? Af því að þennan öskudaginn fæddist litla systir mín. Í tilefni af því ætla ég að taka lagið:

Hún á afmæl'í dag

Hún á afmæl'í dag

Hún á afmæl'ún Ína mín

Hún á afmæl'í dag!

Til hamingju með afmælið gamla mín. Og reyndu nú að halda aðeins aftur af kölkuninni og alla vegana merkja hvoru megin á símanum það er sem á að tala og hvoru megin á að hlusta....

Atvinnulaus

Já, ég er svo sannarlega farin að sjá fram á að bora bara í nefið í þessu 2 mánaða sumarfríi sem ég fæ í sumar. Svo ef þú hefur vinnu í rassvasanum handa mér máttu endilega láta mig vita.

Annars þá er enn ein helgin liðin, alveg með ólíkindum hvað þetta líður hratt. Og núna eru ekki margir dagar í enn eina opinbera heimsókn, en Fjóla er á leiðinni ásamt fríðu föruneyti. Efast ekki um að það verði mikið talað og hlegið, og alls ekki víst að Eggert komist mikið að......hihihi. Og svo eru bara að koma páskar.
Annars þá pantaði ég draumapilsið úr h&m bæklingnum í dag og Danir, sem eru ekki þekktir fyrir að drífa sig neitt sérstaklega, taka sér 14 daga í að afgreiða þetta. Og ég sem er ekki sú þolinmóðasta sem þekkist...verð líklega farin að stikla þegar þetta loksins kemur.
Hefur annars ekki mikið gerst hjá mér þessa helgina, ekki nema að ég á tíma í klippingu á þriðjudaginn og þarf að gefa aðra hendina fyrir það. Það er eitthvað grín hvað það kostar að fara í klippingu hérna. Andaði léttar að vera bara ekki rukkuð fyrir að panta mér tíma. Svo það verður spennandi að sjá hvort ég verð að mæta með poka á hausnum á flugvöllinn til að sækja gestina mína...

Kviknaði á perunni!

Það kemur fyrir hérna megin að það kvikni á perunni. Ég var til dæmis að átta mig á því að ég var aldrei búin að setja link inn á hana Röggu töggu sem ég bý með. En nú er ég búin að því!! Eins bætti ég við Láru Sóley, sem eftir nokkurra ára dvöl erlendis var að uppgötva bloggið;o)

Eyja mælir með

• Jólasmákökunum hennar mömmu
• Harðfisknum hans pabba
• Chocolate chip cookies með 37% súkkulaði
• Nóa rjómasúkkulaði...mmmmm

Eyja mælir hins vegar ekki með

• Maískólfi í matinn þegar maður er að taka tennur
• Að nota litla putta sem hitamæli á steikarpönnuna
• Grískri jógúrt með grænum, loðnum bletti í miðjunni...jakk

Helsti óvinur eins og staðan er í dag: árshátíð Actavis

Ætli það ekki bara...

Þetta er búið að vera að eins betri dagur enn í gær skal ég segja ykkur. Ég er samt farin að halda að ég eigi ekki að vera í námi í Danmörku. Til að fá námslánin vantaði mig alltaf eina einkunn og kennarinn var voða næs og dreif í að skila inn til að ég færi nú ekki alveg á hausinn. Svo fer ég og ætla að prenta þetta út til að senda heim og hvað haldiði, ég fæ ikke bestået!! Hressandi. Ég fer og spyr kennarann út í málið og hann bara "þetta getur ekki verið... blablabla" en jújú, Eyja fékk ikke bestået. Hann þýtur eins og þrumuský í framan niður á eksamenkontoret og þar kemur í ljós að hver einasti maður í áfanganum hafði fengið bestået og ég líka, en það var að sjálfsögðu ég sem lendi í innsláttarvillu hjá kellingarbeyglunni svo nú þurfti ég að bíða í klukkutíma þangað til búið var að laga þetta. Danir eru svo indælir. En svo komst ég bara að því að Íslendingar eru ekkert skárri. Óli var svo góður að hann hringdi í lín til að tékka hvenær lánið yrði borgað út og því var lofað síðasta föstudag. Á mánudaginn er lánið ekki enn komið og þegar Óli er orðinn góður vinur kellinganna bæði í lín og Íslandsbanka á Húsavík kemur í ljós að mistök höfðu orðið hjá reiknisstofu bankanna svo lánið kom bara ekki inn á mig. Þetta var sem sagt 3 vikna prócess að fá þetta lán greitt. Þvílíkt og annað eins. Og í tilefni af því að ég hef efni á verkjalyfjum núna þá lít ég út eins og hamstur...

Myndarleg!!!

Vorum við að tala um hamstur??